ورشة عمل البلوزة اللى طلبتها دودى

[i
ده الباترون اللى حنشتغل ختى العزيزة لمسة سحرية رجعتلك تانى بعد ما نفذت جزء صغير من البلوزة وسوف اسرحة لكى بالصور ان شاء الله نبدا بسم الله اولا ناخذ المقاس ونعمل سلسلة على قد الوسط علشان احنا حنشتغل البلوزة من اسفل الى اعلى السطر الاول بعد ما عملنا السلسلة على قد وسط بنوتك اوانتى اى حد بتاخذى مقاس الوسط تقفلى السلسلة مع بعضها بغرزة منزلقة ليتكون عندك دائرة نبدا بغرزة حشو فى اول سلسلةثم نترك 4غرز سلسلة ونشتغل فى الغرزة الخامسة (عمود بلفتين ثم2سلسلة ثم عمود بلفتين ثم 2سلسلةثم عمود بلفتين ثم2سلسلة ثم عمود بلفتين ثم2سلسلة ثم عمودبلفتين ثم2 سلسلةيعنى دلوقتى بقى عندنا 5اعمدة بلفتين بينهم 2سلسلة كل دول فى غرزة
[ندعوك للتسجيل في المنتدى أو التعريف بنفسك لمعاينة هذه الصورة]



غرزة سلسلة واحدة ) كما هو موضح بالصور ثم نعمل فى اخر عمود بلفتين من الاعمدة الخامسة السابقة سلسلة واحدة ثم نترك 4سلاسلمن السطر السابق ونشتغل غرزة حشو فى السلسلة الخامسة ثم نعمل سلسلة واحدة ثم نترك 4غرز سلسة ونعمل فى الغرزة الخامسة اللى بين القوسين اللى هو 5 اعمدة بلفتين بينهم 2سلسلة وفى اخر عمود بلفتين نعمل سلسلة واحدة ثم نترك 4غرز سلسلة ونعمل غرزة حشو فى السلسلة الخامسة ثم سلسلة واحدة ثم نكرر ما بين القوسين وذلك حتى نهاية السطر اى ان الشغل حيكون تبادلى بين غرزة الحشو والخمس اعمدة بلفتين يا رب يكون السطر الاول مفهوم ويكون شرحى واضح نبدا باذن الله فى السطر الثانى:نعمل 4غرز سلسلة بمثابة اول عمود فى السطر ثم نعمل عمود بلفةفى السلسة الثانية من العمود الاول من السطر السابق (العمود ابو لفتين)ثم نعمل 3غرز سلسلةثم غرزة حشو فى العمود الثالث من الاعمدة الخمسة بتاعة السطر السابق ثم 3غرز سلسلة ثم عمود بلفة فى السلسلة الثانية من العمود الخامس والاخي كما هو موضح بالصورة



[ندعوك للتسجيل في المنتدى أو التعريف بنفسك لمعاينة هذه الصورة]


ثم 2سلسلة ثم عمود بلفة فى السلسلة الثانية للعمود ابو لفتين الاول للوردة الثانية ثم 3سلسلة ثم غرزة حشو فى العمود ابو لفتين الثالث ثم 3سلسلة ثم عمود بلفة فى السلسلة الثانية من العمود الاخير ويبقى كدة خلصنا الوردة الثانية ونشتغل كدة حتى نهاية السطر وحتوقف معكى حتى السطر التانى علشان تشتغلى معى الجزء دة ويارب يكون الشرح واضح واى استفسار انا تحت امرك ونفسى اشوف شغلك للسطرين دول علشان نكمل باقى البلوزة



[ندعوك للتسجيل في المنتدى أو التعريف بنفسك لمعاينة هذه الصورة]

والله انا عارفة انى بعذبك معايا لكن بدعو الله ان يكون فى ميزان حسناتك انا طبقت معاكى اهو ودة شكل البلوزة فى مراحل تطورها شوفى وقوليلى رايك

[ندعوك للتسجيل في المنتدى أو التعريف بنفسك لمعاينة هذا الرابط]
وشكرا ليكى يا دودو لانك عملتى الورشة مخصوص علشانى

بسم الله الرحمن الرحيم مرحبا حبيبتى لمسة تعالى نكمل الشرح ويارب يكون ساهل عليكى انتى والعزيزة دودى مجدى نبدا بسم الله السطر الثالث :نطلع 4غرز سلسلة كبداية عمود واحنا فى السطر السابق كنا عاملين عمود ثم 2سلسلة ثم عمود صح كدة حنشتغل فوق ل2سلسلة دول 5اعمدة بلفتين بينهم 2سلسلة بعد ما نخلص الخمس اعمدة بلفتين نعمل سلسلة واحدة ثم غرزة حشو فوق غرزة الحشو بتاعة السطر السابق ثم سلسلة واحدة ثم 5اعمدة بلفتين بينهم 2سلسلة فوق 2سلسلة بتاعة السطر السابق ثم سلسلة واحدة ثم غرزة حشو فوق غرزة الحشو بتاعة السطر السابق وهكذا حنشتغل 5اعمدة بلفتين ثم سلسلة ثم غرزة حشو حتى نهاية السطر كما بالصورة [[img][/img]
السطر الرابع :مثل اسطر الثانى تماما
السطر الخامس :مثل السطر الثالث تماما
السطر السادس :مثل ايضا السطر الثانى تماما وهكذا باقى البلوزة هتكون تبادلى بين السطر التانى والثالث حتى نصل الى الباط وفى هذة الحالة سوف نقسم عدد الغرز الى اربعة ونبدا فى التنقيص طيب علشان من تهوش تكملى حضرتك الشغل ولما توصلى لحردة الباط ارسلى لى وانا سوف اشرحلك طريقة التنقيص بالضبط وشكرا يارب يكون الشرح واضح ارسلى لى لو فى اى حاجة مش فهماها[ندعوك للتسجيل في المنتدى أو التعريف بنفسك لمعاينة هذه الصورة]

حبيبتى دودو انا خلاص وصلت لمكان حردة الباط ولمسة خلصت بلوزتها قبعد اذنك نزليلى طريقة الحرد

صباح الخير يا دودى عاملة ايه ممكن تعدى لى الوردات اللى فى البلوزة علشان ابدا فى شرح الحرد بالضبط

dodo2010 كتب:

صباح الخير يا دودى عاملة ايه ممكن تعدى لى الوردات اللى فى البلوزة علشان ابدا فى شرح الحرد بالضبط

حبيبتى دودو عدد الوردات هو 25 وردة

دودى مجدى كتب:

dodo2010 كتب:

صباح الخير يا دودى عاملة ايه ممكن تعدى لى الوردات اللى فى البلوزة علشان ابدا فى شرح الحرد بالضبط

حبيبتى دودو عدد الوردات هو 25 وردة

مساء الخير يا دودى بصى يا قمر حنقسم الوردات على 2 بمعنى 12 وردة اللامام و13 وردة للخلف اما ال12 بتوع الاملم حنقسمهم على 2 ايضا حيبقى عندنا 6 للجزء الايمن و6 للجزء الايسر


[ندعوك للتسجيل في المنتدى أو التعريف بنفسك لمعاينة هذه الصورة]





معلش يا دودى مش عارفة اشرحلك من غير باترون لو عندك الباترون بس يكون واضح يا ريت تنزليها وكمان برجوكى يا لمسة ترسليلى الباترون بتاع البلوزة علشان اكمل شرحها لدودى شكرا لكم احبابى انا دورت عليه كتيير فى منتدى دنيا الكروشية لم اجد غير صورة البلوزة اما الباترون لى كانت منزلاه لمسة لم اجده فمعلش لى معاه الباترون منكم احبابى ينزله لى وشكرا






:flower: :flower:

شكرا حبيبتى دودو على الشرح هطبق واوريكى

ازيك يا دودو عاملة اية معلش انا متلخبطة خالص فى الشرح دلوقتى انتى بتقولى ان السطر اللى قبل الحرد فية غرزة حشو و3سلسلة ثم عمود و2 سلسلة وعمود طب فين اماكن الحاجات دى يا ريت توضحى شوية انا مش فاهمة اعمل العمود الاول فين والتانى فين والحشو فين وياريت تردى عليا بسرعة لانى مستعجلة على البلوزة

دودى مجدى كتب:

ازيك يا دودو عاملة اية معلش انا متلخبطة خالص فى الشرح دلوقتى انتى بتقولى ان السطر اللى قبل الحرد فية غرزة حشو و3سلسلة ثم عمود و2 سلسلة وعمود طب فين اماكن الحاجات دى يا ريت توضحى شوية انا مش فاهمة اعمل العمود الاول فين والتانى فين والحشو فين وياريت تردى عليا بسرعة لانى مستعجلة على البلوزة

[ندعوك للتسجيل في المنتدى أو التعريف بنفسك لمعاينة هذه الصورة]

بصى يا دودى ده السطر الاول من البلوزة وهو عبارة عن وردات صح



اما ده يا دودى شرح السطر الثانى اللى المفروض تنتهى عنده قبل الحرده ماشى يا قمر

فى السطر الثانى:نعمل 4غرز سلسلة بمثابة اول عمود فى السطر ثم نعمل عمود
بلفة فى السلسة الثانية من العمود الاول من السطر السابق (العمود ابو
لفتين)ثم نعمل 3غرز سلسلةثم غرزة حشو فى العمود الثالث من الاعمدة الخمسة
بتاعة السطر السابق ثم 3غرز سلسلة ثم عمود بلفة فى السلسلة الثانية من
العمود الخامس والاخي كما هو موضح بالصورة

[ندعوك للتسجيل في المنتدى أو التعريف بنفسك لمعاينة هذه الصورة]
ولو فى اى حاجة مش مفهومة ارسلى لى وانا اعيد لكى الشرح مرة اخرى بااااااااااااااااى يا قمر

وضحت كدة يا دودى هكمل واوريكى التطبيق

انا عملت ال6 وردات اللى قولتى عليهم يا دودو وكمان عملت منزلقة فوق اول وردة لحد العمود التالت وعملت فوقة حشو ثم3 سلسلة وعمود فى السلسلة التانية اللى بين العمودين الرابع والخامس مش عارفة اكمل باقى السطر على كدة ولا اعمل اية ياريت تنزلى باقى الشرح يا دودو لو سمحتى

[img][ندعوك للتسجيل في المنتدى أو التعريف بنفسك لمعاينة هذا الرابط][/img] صباح الخير يا دودى انظرى الى الباترون والعلامات اللى انا عملتها علية توضح شرحى
بصى يا جميل اللون الاخضر يمثل السطر السطر الاول للحرد فى الباترون مقفول بمنزلقة لحد منتصف الوردة زى ما انا قولتلكثم عمل غرزة حشو ثم 3 سلسلة ثم عمود فى السلسلة الثانية اللى بين العمودين ثم بكملى السطر عادى كما هو موضح بالباترون بحيث ينتهى السطر بعمود فوق غرزة الحشو الاخيرة بتاعة نهاية السطر

امشى السطر اللى هو باللون الاخضر من الشمال الى اليمين حتى تصلى الى اللون الموف



دلوقتى عنشتغل من عند الخط اللى باللون الموف بصى يا جميل الاقواس الصغيرة اللى على الباترون من جهة اللون الموف معناها ان احنا حنقفل الغرز دى بمنزلقة لحد ما نصل الى منتصف الوردة ونعمل غرزة حشو ثم سلسلة واحدة ثم نعمل الوردة فوق السلسلتين اللى فوق العمودين بتاعة السطر السابق وبكدة نكون كونا اول وردة ونكمل باقى السطر بنفس الطريقة لحد ما يتكون عندنا فى الباترون اتكون 3 وردات اما عندك انتى يا دودى معرفش حيكونوا 4 وردات ولا5 وردات على حسب شغلك انتى وعدد ورداتك انتى مفهوم كدة يا جميل

ا [ندعوك للتسجيل في المنتدى أو التعريف بنفسك لمعاينة هذه الصورة]ايه رايك يا دودى شرحى مفهوم ولا

بصى يا قمر فى السطر اللى فات بتبداى من عند اللون الموف حتى تصلى الى الخط اللى باللون الاحمر

دلوقتى سوف اشرحلك الشغل من عند اللون الاحمر

حنعمل غرز منزلقة لحد ما نصل لمنتصف الوردةثم غرزة حشو ثم 3 سلسلة ثم عمودين بينهم 2 سلسلة فوق السلسلة الثانية بتاعة الوردة الاولى والسلسلة الثانية بتاعة الوردة الثانية كما هو موضح بالباترون عند الخط الاحمر

وحنكمل السطر عادى لحد ما نصل الى منتصف الوردة الاخيرة من السطر السابق ونعمل فوقها غرزة حشو وبذلك نكون نهانا السطر اللى من عند اللون الاحمر علشان نصل الى اللون الازرق


انظرى الى الباترون عند الخط اللى باللون الازرق وخليكى معاى

حنشتغل بمنزلقة لحد ما نصل الى ال2سلسلة اللى بين العمودين بتاعة السطر السابق ونشتغل فوق هذة السلاسل 3 غرز سلسلة بمثابة اول عمود ماشى يا جميل ثم 2 سلسلة كمان يبقى المجموع 5 سلاسل ثم نعمل عمود اخر فى نفس الغرزة ثم 2 سلسلة ثم عمود ثالث يبقى كدة عدد الاعمدة فى الغرزة دى 3 اعمدة بينهم 2 سلسلة كل دول فى غرزة واحدة

ثم حنعمل سلسلة واحدة ثم غرزة حشو فى منتصف الوردة بتاعة السطر السابق ثم نعمل وردة اخرى ولازم ينتهى السطر بغرزة حشو فى منتصف الوردة بتاعة السطر السابق فى الباترون يا دودى كونلى وردة واحدة ونصف وردة ما انتى معرفش حيتكون عندك كام وردة ممكن يكونوا وردتين ونصف او ثلاثة ونصف انا معرفش

حلصى الجزء دة ولما تخلصى قولى لى اتكون عندك كام وردة علشان على اساسه حكمل الشرح ماشى يا جميل باااااااااااااااااااااااااااااااااااااااااااى

حبيبتى دودو متاسفة على التاخير انا خلصت الجزء الاخير واتكون عندى 3 وردات ونص يا ريت تكمليلى الشرح ومتتاخريش عليا عشان انا اتاخرت كتير

صباح الخير يا دودى بصى يا قمر حتكررى السطر اللى باللون الاحمر واللى باللون الازرق لحد ما يتكون عندك وردة ونصف كما فى الباترون

ناتى بقى عند اللون الفوشيا

حنقفل بمنزلقة لحد منتصف الوردة ثم حنعمل غرزة حشو ثم 3 غرز سلسلة ثم عمود فوق السلسلة الثانيةمن الوردة الاولى

ثم 2سلسلة ثم عمود فى السلسلة الثانية من النصف وردة ثم 3 سلسلة ثم غرزة حشو فوق ال4 سلاسل بتوع السطر السابق اللى حنا اعتبرناهم اول عمود كما هو مبين عند الخط الفوشيا

بصى يا دودى ضعى الباترون امامك

حنعمل غرزة سلسلة ثم غرزة حشو فوق غرزة الحشو بتاعة السطر السابق ثم وردة اخيرة فوق ال2 سلسلة اللى بين العموديين بتوع السطر السابق يبقى كدة عندنا وردة واحدة

حنبدا السطر التالى ب5 سلسلة بمثابة اول عمود ثم ثم عمود فى السلسلة الثانية من اول عمود بالوردةثم 3 سلسلة ثم غرزة حشو فوق منتصف الوردة ثم 3 سلسلة ثم عمود فوق ال2 سلسلة اللى بين العموديين بتوع اخر الوردة ثم سلسلة واحدة ثم عمود بلفتيين فوق غرزة الحشو اللى فى نهاية السطر السابق


لو بصيتى يا دودى للباترون تجدى ان بعد ذللك حنكون انصاف ورود بمعنى انك بعد السطر دة حتكونى نصف وردة فى اول السطر ونصف وردة فى اخر السطر

لو الجزء ده مش مفهوم قوليلى يا قمر وانا اشرحه [ندعوك للتسجيل في المنتدى أو التعريف بنفسك لمعاينة هذه الصورة]

ماشى يا دودو تمام كدة انا نفذت اللى قولتى علية اكمل الحمالة ولا اعمل اية يالا كملى باقى شرحك

يا دودو لو سمحتى قوليلى بس اكمل ازاى عشان انا متعطلة جدا لو سمحتى متغيبيش فى الرد

متشكرة جدا يا دودو هنزلك التطبيق قريب باذن الله

وانا فى انتظار تطبيقك يا جميل [ندعوك للتسجيل في المنتدى أو التعريف بنفسك لمعاينة هذه الصورة]

متاسفة يا دو دو على التاخير لكن والله كان عندى ظروف منعتنى وعموما الف شكر ليكى على البلوزة الجميلة ويالا اتفرجى على الصور ويا رب تعجبك
[ندعوك للتسجيل في المنتدى أو التعريف بنفسك لمعاينة هذا الرابط]
ودى الوردة الكبيرة اللى فى المنتصف
[ندعوك للتسجيل في المنتدى أو التعريف بنفسك لمعاينة هذا الرابط]
ودى الوردة الصغيرة اللى على الجانبين
[ندعوك للتسجيل في المنتدى أو التعريف بنفسك لمعاينة هذا الرابط]
واتمنى ان بلوزتى تكون عجبتك وميرسى على مجهودك وتعبك معايا

متاسفة يا دو دو على التاخير لكن والله كان عندى ظروف منعتنى وعموما الف شكر ليكى على البلوزة الجميلة ويالا اتفرجى على الصور ويا رب تعجبك
[ندعوك للتسجيل في المنتدى أو التعريف بنفسك لمعاينة هذا الرابط]
ودى الوردة الكبيرة اللى فى المنتصف
[ندعوك للتسجيل في المنتدى أو التعريف بنفسك لمعاينة هذا الرابط]
ودى الوردة الصغيرة اللى على الجانبين
[ندعوك للتسجيل في المنتدى أو التعريف بنفسك لمعاينة هذا الرابط]
واتمنى ان بلوزتى تكون عجبتك وميرسى على مجهودك وتعبك معايا