طريقه عمل اللازنيا

المقادير:

نصف كيلو شرائح لازانيا
لحمه معصجه
بشاميل
جبنه موزاريلا وشيدر

التحضير:

- اول حاجه بنسلق مكرونه اللازانيا وانا قسمتها علي مرتين علشان متلزقشي وبعد السلق نحطها في ميه الحنفيه
- وبعدين بنعصج اللحمه المفرومه وانا حطيت عليها معلقتين صلصه
- بعد كده بنجهز البشاميل وانا عملتها بالطريقه دي:
3 معالق سمنه وحطيتهم علي النار لما يغلوا نحط عليهم 5 معالق دقيق ونقلب لحد الدقيق ما يحمر وبعدين نحط اللبن شويه بشويه ونقلب بسرعه علشان ميكلكعشي من الاحسن نطفي النار لحد ما نضيف اللبن وانا حطيت نص كيلو لبن ونسيب البشاميل علي نار هاديه لحد ما يتقل وطبعا نضيف ملح
- نجيب صينيه وندهنها سمنه ومعلقتين بشاميل ونرص فيها شرائح اللازانيا بحيث تكون طبقة واحدة بس مغطية القاع
- بعدين نحط معلقتين بشاميل ولحمه معصجه وعليهم جبنه موزاريلا وشيدر
- وبعدين نرص عليها اللازانيا ونحط البشاميل واللحمه والجبنه مع تكرار الخطوات دي لحد ما الصينيه تتملي وفي الاخر بنغطيها بالبشاميل

الطبخ:

ندخلها الفرن ونكون مولعينه قبلها بشويه ولما تحسي انها قربت تستوي خرجيها ورشي علي وشها موزاريلا وشيدر ورجعيها تاني لحد ما وشها يحمر





لا تنسو الرد